去茶餐廳學沖奶茶 戴耀明冇打算離巢
薛家燕、陳庭欣、冼靖峰、戴耀明、譚輝智和應屆港姐冠軍倪樂琳等，昨日出席《歡樂滿東華2024》記者會。戴耀明預告將與魯振順、王俊棠在節目合唱，提到他最近被拍得在黃大仙的茶餐廳做侍應，戴耀明指無綫很關心他，有送上慰問。他明白做演員未必能做一世，故決定到茶餐廳學一門手藝，已學識沖奶茶和咖啡。
戴耀明續稱：「未去到冇飯開，不過有陣時演員會經歷幾個月冇工開，因為角色未必啱，所以我哋習慣咗有陣好忙，有陣又會好得閒。（公司有冇畀機會你？）有，好多監製都陪住我成長，有咩角色啱都會直接搵我，好照顧我。」他坦言距離完約還有一段時間，加上有底薪，暫時不打算離巢：「因為其實TVB好寬鬆，有好多自由，唔會干涉我接工作，只要我唔破壞公司形象就得，呢個都係我咁多年仲同公司Keep住關係嘅原因。」
