艾摩廉首騷和波：我們要時間
英超曼聯在國際賽期易帥後，昨晨於新帥艾摩廉手下首度出戰，儘管有前鋒拉舒福特開賽82秒入波領先，但最終僅能作客與葉士域治打和1:1。雖然失分而歸，未能打響頭炮，但艾帥賽後也讚賞球員努力執行指示，強調在轉變期會有受挫時刻，一切都是必經過程。
「紅魔鬼」易帥後首騷踢來充滿朝氣，但也間中有甩漏，艾帥解釋：「呢個聯賽唔易打，我班球員諗得太多，甚至有啲混亂同恐懼，你都可以感受到嘅！其實根本唔意外，我哋需要時間去搵出方法。最重要一點，係佢哋有努力嘗試去做我哋要求嘅嘢，我哋將會捱一段日子，但都會努力去爭取贏波。」
艾摩廉亦點名讚賞門將奧拿拿的表現，讚賞他救出險球，而今戰擔正出任右翼衛的阿密特迪亞路，既交出助攻，也在防守上貢獻良多，同樣得到艾摩廉讚許。
