攻強守弱 西悉尼噴射機駁火
澳職第4輪獨腳戲，西悉尼流浪者主場鬥紐卡素噴射機。西悉尼流浪者上輪主場鬥阿德萊德聯，原本安排大型慶祝活動，作為球隊贏得2014年亞冠盃十周年紀念。不過開賽即落筆打三更，早段已失兩球，半場落後1:3，最終輸3:4，令慶典草草收場。今午再於主場出師，面對次一級的紐卡素噴射機，必然喪攻博開齋。球隊上季兩遇噴射機都開入球騷，作客和2:2、主場和3:3，今仗同樣無贏波把握，寧撐[3/3.5]大盤。（TVB 82周五4:35pm直播）
西悉尼今夏聘得前曼聯西班牙中場球星桑馬達加盟，此子雖然年事漸長，但級數及經驗大超班，在中場穿針引線豐富了球隊進攻元素，進一步激活國腳翼鋒班頓波里路，球隊火力更勝上季。只可惜被糟糕防線拖後腿，導致開季後雖然場場入波，但3戰後僅得一分；紐卡素噴射機上輪作客2:1反勝FC麥克阿瑟士氣大振，陣中有5名前西悉尼戰將今午倒戈，包括新任隊長中場哥素斯，重遇舊主倍添戰意，勢與西悉尼鬥攻鬥入波。
