歐霸一哥非符碌 拉素復仇波圖
同時上演尚有意甲拉素主場對葡超波圖。拉素今季在老帥巴朗尼帶領下越戰越勇，於歐霸盃36強中位列榜首，球隊過去兩度於歐霸遭遇波圖都被淘汰出局，今次有足夠決心主場復仇，平手盤撐主隊。（NOW 639台周五4:00am）
拉素在2003年歐霸四強初遇波圖，但經兩回合比賽後遭淘汰，波圖最終奪冠；然後2022年淘汰賽附加賽再相遇，依然未能闖過波圖一關。不過今時不同往日，拉素近期狀態全面飛躍，近9場正式賽事贏了8場，唯一敗仗作客祖雲達斯，開賽24分鐘已踢少個，仍力戰至完場前才輸一個烏龍波飲恨，整體表現不比對手差。歐霸頭3輪更分別輕取實力分子基輔戴拿模、尼斯及川迪，現時3戰得9分，入9球僅失一球高踞榜首，今夜乘勝追擊有力雪恥；波圖今屆歐霸唯一作客不敵挪超波杜基林特，次輪主場亦只能賽和曼聯，近期連捷只贏弱旅，作客都靈睇低一線。
