拉耶求婚成功 「準新郎」球場失威
情場得意，球場失意！英超阿仙奴門將大衛拉耶上周五晚在社媒宣布好消息，就是他向其西班牙名模女友查布依求婚成功，並上載多場幸福擁抱及戴戒指等照片。不過，一日之後，大衛拉耶効力的阿仙奴卻在聯賽不敵般尼茅夫，被打破今季聯賽不敗身。
大衛拉耶與查布依由2021年開始拍拖，一年之後公開二人關係，初期查布依仍會在西班牙及英格蘭兩邊飛，但近年已經專心做「跟得女友」，伴隨愛郎四出征戰打氣。在公布喜訊後，查布依在社媒說：「已經過咗兩日，我仲係唔多相信；多謝各位畀我哋嘅訊息，我就好似喺天上面，睇住大家畀我哋嘅祝福，填滿晒我哋內心。」
唯一可惜，是大衛拉耶這位上季英超手套，昨晨未能守住「兵工廠」大門。阿仙奴在上半場中段有後防重心威廉沙列巴領紅被逐，打少個下，換邊後被對手連下兩城，淨吞兩蛋敗陣，爭標形勢落入下風。
