預告明年紅館開騷 林峯邀古天樂做嘉賓
連日來於澳門開騷的林峯前晚回港出席腕錶活動，他表示相隔5年再開騷，經理人不想他有太大壓力，故今次算是熱身，製作上是紅館等級的濃縮版，由於擔心歌迷覺得悶，故演出着重視覺效果。
對於網民讚嘉賓陣容強勁，林峯笑言：「我有問班兄弟姊妹，開騷唔係唔撐呀？（佘詩曼話好大壓力？）我識佢好耐，冇諗過佢唱歌會大壓力。記得我催佢交歌，因為要畀樂隊綵排，佢都係最後一刻先交。我同阿佘唱過K，但始終唱K同上舞台係唔同，希望佢可以放鬆啲，但證明佢係認真對待兄弟，佢嘅表現超出100分！」提到他稱呼阿佘做「女朋友」，他笑言平日都這樣叫她：「太太都咁叫，話你女朋友呀！」提到歌迷期待「城寨4子」齊踏舞台，林峯笑言：「咁要留意有冇人搞事。（會請老闆古天樂？）老闆好忙，留畀出年紅館啦。」
