上海開騷狂收公仔 克勤被取笑變全紅嬋
李克勤最近參加最新一季《披荊斬棘》，其《我們的交響樂世界巡迴演唱會》同步進行，上周剛完成上海站，9月21日及22日他又到澳門倫敦人開騷！他笑言最難忘上海歌迷不停拋公仔上台：「已經唔係第一次，上兩站都有歌迷想送禮物畀我。唔知佢哋係咪覺得咁樣好好玩，今次上海站特別多，真係拋咗幾十隻上嚟咁滯。（當你係全紅嬋？） 唔係啩？係咪依家流行咁樣呀？可能歌迷心目中嘅我仲未長大，或者送畀我囝囝。不過無論送咩畀我都好，我都開心，其實唔止公仔，歌迷仲送咗個好靚蛋糕畀我，好有心思。」
是次上海演唱會，克勤於管樂中加了一位彈鋸琴的老師，他說：「佢都係一位藝術家，琴技非常精彩，9月中我再去澳門站演出，兩場我都會帶埋鋸琴老師去，畀大家欣賞佢精彩技術。」
