落選港姐林慧倩 再戰ViuTV選美
ViuTV選美真人騷《美麗40路》昨日在觀塘舉行記者會，主持孫慧雪、黃心美、陳俞希、劉明軒和其中17位參賽者出席。孫慧雪和黃心美表示拍節目時經常給參賽者意見，不過黃心美笑言自己是家中的大家姐，有時講說話會用了大家姐的語氣，擔心參賽者誤會她很惡：「好彩佢哋冇避開我，大家相處好融洽。」
參賽者林慧倩曾參加2011年香港小姐，並晉身最後六強。落選後她曾為網站拍性感寫真，但發展平平。她笑言再選美需要勇氣，畢竟事隔十多年：「今次係非一般選美，係另一種挑戰，唔覺得自己選過美有着數，大家玩法唔同。我喺節目都會着泳衣，但唔知最後會唔會被剪走。（有信心奪冠？）參加得比賽當然對自己有信心，亦想畀觀眾睇到不一樣嘅自己。」
