袁偉豪撩譚俊彥組班底搞音樂
《法證VI》內地受歡迎 點擊破2.5億
TVB主席許濤日前與百多位公司旗下藝人見面，呼籲藝人發展內地市場，更鼓勵大家自組班底製作節目。袁偉豪昨日出席活動時表示有興趣建立自己班底，打算找好友譚俊彥合作，一齊在音樂和攝影領域上大展拳腳。
袁偉豪、傅嘉莉、蔣祖曼與郭珮文等昨日到商場宣傳無綫熱播劇《法證先鋒VI：倖存者的救贖》，席間宣布劇集7天跨平台收視高達24.8點，由首播開始成為黃金時段收視冠軍，以及觀眾人數高達1,610,000人次，監製鍾澍佳（佳導）更稱劇集在內地點擊次數突破2.5億，笑言全部歸功袁偉豪，要求對方請客慶功。
對於劇集「鐵三角」只有袁偉豪參與宣傳，他表示蔡潔有工作在身，黃宗澤則患病臨時缺席，他不介意獨挑大樑。提到佳導要求他出錢慶功，他笑言：「冇所謂，都係開心錢，只要加番我嘅騷錢就可以。」
提到公司主席許濤日前與百多位藝人見面，有份出席的袁偉豪說：「去大灣區或內地發展係一個方向同重點發展，同埋點樣保持廣東話製作，主席歡迎同事組團，由公司提供資源製作節目。我係有idea，但時間上未必配合，例如我想寫歌同拍MV，可以擴闊做演員以外嘅空間，之前自己嘅MV都係自己做監製構思。」他稱如果有公司資源做支持，打算跟譚俊彥合作自組班底，因二人非常投契，可以在音樂上一起表達他們想講的故事。
郭珮文唔急拍拖
傅嘉莉開心表示可以將自己學習的珠寶鑑證知識融入劇集角色，算是其演藝生涯一個重要紀綠。問到可有興趣自組班底製作節目？她說：「我諗我未必有能力，但我有提出意見，例如好多朋友會問劇中角色嘅衫喺邊度買，我覺得係一個商機，可以搵有關廣告商做宣傳。」
剛度過23歲生日的郭珮文被問如何慶祝？她表示與好友和家人吃飯，然後苦笑稱圈中朋友不多。問到劇中上司黃宗澤有否表示？她笑言：「上司都唔知我幾時生日，但我會記住佢嘅生日。（其他男士有冇表示？）冇，我都唔心急拍拖，相信緣分要嚟就嚟，雖然依家好dry，但唔重要。」
