Bosco大馬排場勁 張繼聰勁葡萄
《紮職3》全港票價最高60元
黃宗澤（Bosco）早前到馬來西亞宣傳新片《紮職3》，除了吸引熱情粉絲支持外，更受到貴賓式接待，排場媲美超級巨星！張繼聰大呻要拍戲而未能到大馬，十分羨慕Bosco，很想嘗試做巨星的滋味。
前晚黃宗澤、張繼聰與林千渟等到長沙灣出席主演電影《紮職3》盆菜宴，早前Bosco到馬來西亞宣傳電影時萬人空巷，張繼聰表示要拍戲，遺憾未能到大馬：「睇影片見到場面好墟冚，好想享受巨星嘅接待。」Bosco大讚當地宣傳搞得有聲有色，請了很多臨時演員，在他們路過的地方站兩排高呼「大佬」！問到是否覺得自己似巨星？Bosco笑言：「OK嘅，搞到好似係，但我只係演員。」
派福利露血管
張繼聰表示很羨慕Bosco，很想嘗試做巨星的感覺，Bosco即提議如果大馬票房好，就到當地搞慶功。提到《紮職3》首映在大馬出現炒飛現象，他們指很久未試過，覺得首映戲票有炒價很神奇。Bosco笑言若開第4集可到大馬取景，片名則叫《紮馬》。
問到票房好會否派福利？張繼聰笑言不鼓勵：「睇片種同咩演員，留番畀啲後生演員。我入行咁耐，唔會受『昆』亦唔會俾人拋浪頭，但會謝票。如果派福利梗係留畀鄭浩南啦！」他笑言自己有很多作品，不能每次都晒肌：「腹肌又冇乜好露，再嚟就露真皮同血管，不過呢啲太學術性，唔通露毛……孔咩！大家都唔想睇，唔通我帶張血管相畀大家睇，太變態喇！」
二人希望開拍第4集，因大家越拍越有默契，亦可令大家有工開。最近開始投資電影的Bosco被問有否想過投資第4集？他說：「我呢啲小本經營。（用片酬投資？）我片酬好少。」問他與張繼聰的片酬誰較高？張繼聰即指Bosco較多：「我係實用型。」Bosco說：「我可能多佢少少，但佢密食當三番。」另外，該片本周四正式上映，電影公司宣布全港票價最高為60元，二人表示非常好：「可以與民同樂，片商院線可以畀優惠街坊，支持經濟係好事嚟嘅。」
