陳曉東 孫耀威 擬組男團再出道
張可頤撐新城台慶 圓演講夢
張可頤、陳曉東（東東）、孫耀威（Eric）、泳兒與女團VIVA等，前晚到灣仔出席「新城33周年台慶Show」，兩位90年代出道歌手東東與Eric都是「美魔男」，二人在台上合唱時默契十足，笑言有意組男團再出道，Eric更稱已想好組合名叫「Black Black」。
東東和Eric同是90年代出道的歌手，但前晚才首次同台合作。東東笑言有意與Eric組男團再出道，Eric笑言組合名叫「Black Black」，因大家都穿黑色衫。問到如何成為好友？Eric笑言物以類聚：「都係靚仔。」東東即說：「佢講出事實！」之後東東正經說：「當年冇視佢為競爭對手，因為覺得樂壇應該百花齊放。」
當Eric得知東東育有10歲「朵朵」及9歲「多多」兩名女兒時驚訝說：「嘩！你生兩個女，咁你第日都好驚喎！你以前有幾咁……呀，你就受番幾多。」場面爆笑！東東坦言兩名囡囡最近收到不少男同學表白：「我教個女如果對方話鍾意你，就叫佢爬上棵樹度，對方一定會掉頭走。」他補充稱會懂得提醒自己不要太緊張。
張可頤表示專程來支持新城首席營運總監馬浚偉，很開心有機會在台上演講，事前做足準備：「預備咗30個版本，因為有好深遠嘅意思。」曾是女團「花生女郎」成員的她被問為何不展歌喉？她說：「冇準備，其實我一直有個夢想可以演講，但又冇咁叻可以開到talk騷，今次終於有機會，希望喺空餘時間幫到社會或者活喺黑暗中嘅人。」
泳兒想去韓國受訓
她表示跟馬浚偉合作拍無綫劇《金牌冰人》時一見如故，問到對方是否她的契哥？張可頤說：「佢唔係我阿哥，佢係高高高層。」再問馬浚偉可有邀她做DJ？她謙稱沒有資歷做DJ。她透露已接拍電影，因檔期問題無緣參演無綫劇《巨塔之后》，但深信有機會返娘家拍劇：「我唔捨得劇迷，總有機會。」
曾經擔任唱歌節目導師的泳兒，被問到可有教師妹組合VIVA唱歌？泳兒說：「佢哋演出好純熟，喺台上好有自信，表演愈嚟愈好，跳舞方面冇咩可以教佢哋，我畀好高分。」她又稱想推出跳舞歌，但預料要花一年時間練舞：「想好似佢哋去韓國受訓，咁樣進步大啲。（同公司申請？）要呀！希望有多啲資源拍MV同增值自己。」
