雲浩影夠惡 封「情場響尾蛇」
舞台劇《遺憾收藏館》綵排
梁釗峰與雲浩影（Cloud）於舞台劇飾演兄妹，Cloud自爆雖然在劇中沒有愛情戲，但被導演改花名做「情場響尾蛇」。她與釗峰均讚劇本很感人，二人每次綵排都會爆喊，Cloud笑言有一場戲要攬實釗峰，擔心對方流淚又流涕，屆時會擰歪面迴避。
雲浩影、梁釗峰、劉沛蘅（Hillary）、梁嘉進、呂佩琳等昨日為舞台劇《遺憾收藏館》綵排，飾演兄妹的釗峰與Cloud各自都沒有愛情戲，但Cloud就被導演冠以「情場響尾蛇」，她解釋：「因為角色都幾惡，會有成長同大轉變，所以用響尾蛇嚟形容角色，初時會有好高警覺性，遇到任何事都會先開『弶』。」
雖然只有兄妹戲份，但Cloud與釗峰均表示每次排練都會爆喊，釗峰笑言：「依家感覺到男人都係水做嘅，因為劇情觸動到我，又見大家都用真感情去演，都擔心正式演出會失控，因為我一喊就有好多鼻涕走出嚟。」Cloud亦稱劇本沒有寫明要他們喊，但他們排練時已哭出來，由於有一幕她要攬住釗峰，她笑言如見對方喊到流鼻涕，就會擰歪面來迴避。
劉沛蘅做「親熱戲擔當」
劇中負責愛情戲份的Hillary預告與梁嘉進有不少親熱戲，現時單身的她被問會否戲假情真？她強調大家都是專業演員，只是角色愛上對方。梁嘉進則讚Hillary電力十足，他搞笑說：「依家我擔心公演後可唔可以安全離開劇場，因為驚佢啲粉絲送刀片。」
Cloud、釗峰笑指Hillary與梁嘉進綵排時，會準備紅、黃牌來叫停他們的親熱戲，點到即止就可。Cloud自爆拿過Hillary的劇本與釗峰試演：「角色係為Hillary度身訂造，只有佢先演得到。」釗峰則自嘲不及梁嘉進身形高大兼靚仔。
