顧及運動員感受 小方採訪獲讚世一
連踩5個直播 鍾志光親解「不眠之謎」
奧運熱潮停不了！除了港隊運動員表現備受讚賞，無綫的專業評述及奧運主持表現亦贏盡好評。已第9次擔任奧運主持的鍾志光（鍾仔）近日連踩5個直播，無論多夜也在鏡頭前精神評述；方力申（小方）搶先做到何詩蓓於「100米自由泳」摘得銅牌後的獨家採訪，專業表現亦獲網民讚賞。
運動員出身的小方於多屆奧運以記者身份見證盛事，今次他以無綫巴黎特派專員身份到巴黎採訪，成功搶先為「女飛魚」何詩蓓做獨家專訪。由於曾有記者以「後勁不繼」、「今次慢過上次少少」等向何詩蓓提問，被網民斥這類問題會令運動員尷尬兼影響運動員士氣！相反小方充分照顧何詩蓓感受，他說：「我哋都好高興，亦戥你高興。你自己又點睇呢？點睇呢塊獎牌嘅顏色呢？」何詩蓓說：「多謝呀！其實我嚟呢個比賽嘅目標唔係為咗攞獎牌，係希望做到自己最好。」小方被網民推舉為今屆奧運採訪No.1，問題體貼又有角度，專業水平超出同場其他記者。
至於一連5個直播都看見鍾仔，其餘主持則不斷換人，掀起「萬能鍾」不眠之謎。他受訪時感謝各界關心：「我啲鄰居又好、落街見到人好，好多人走埋嚟話『你好辛苦呀』，我就話『係咩？多謝多謝。』」身經百戰的他笑言不覺辛苦：「十零日啫，唔係好辛苦，坐喺度有高質素嘅體育節目睇，又有錢收，你仲想點呀？我都做咗幾十年，有得做就做，反正都係鍾意嘅嘢，點會計較吖！」
「間斷式小睡」保持精神
鍾仔親解瘋狂OT之謎：「因為頭段比較多香港運動員，公司覺得我認識多啲，咁我咪做囉，只係初頭一兩日嘅情況。（合理工作時間？）合理，我又唔覺得辛苦，要我返嚟齋坐就好辛苦。前幾晚我哋本來收凌晨4點，但最後做到5點半，因為江旻憓同張家朗攞金牌，一路睇住佢哋比賽，之後又有專訪，嗰個氣氛完全唔會覺得眼瞓！」他稱「間斷式小睡」對保持精神有幫助：「如果未到我，我就會去休息室，例如4點半、5點做完嘢，7點先Stand By，我咪去瞌一瞌，我係要瞓嘅，暫時我都覺得咁樣好夠休息。」
他笑着否認是鐵人，已於奧運後請大假休息：「話唔攰係呃你！可能係使命感，個意志令到你頂住，最緊要有精彩嘅賽事。」他笑言對抗睡意的方法也與運動有關：「企起身鬆吓筋，做吓伸展囉。」
