李慧詩主持奧運兼顧多 李麗珊睇好港隊爭牌
三代奧運獎牌得主李麗珊、李慧詩、蘇慧音與一眾香港運動員昨日出席HOY TV《巴黎奧運2024》開廠拜神儀式。繼上屆東京奧運中國香港隊於劍擊、游泳及乒乓球有好成績，李麗珊繼續睇好今屆港隊可以爭牌。李麗珊做過奧運主持，問到會否分享經驗給後輩？她表示李慧詩也做過亞運會，讚對方做得好不用教：「其實我冇特別專長，都係抱住運動員心態去幫運動員抒發心入面想講嘅嘢，因為有啲運動員比較怕醜。」
提到李慧詩於上屆亞運會評述時失言，她承認講錯說話，已作出檢討：「每人都會有自己支持嘅人，希望做香港主持，都支持中國隊同中國香港隊。上次我做單車賽車旁述，今次真正做主持，要做到全方位兼顧更多，上次係臨時講咗自己唔認識嘅嘢，有錯誤希望改善到。」
