軒仔感激鄭秀文提攜
鄭秀文（Sammi）前晚在紅館舉行第三場演唱會，邀得張敬軒擔任嘉賓。當她介紹軒仔出場時笑言：「我叫佢『阿仔』，但依家啲人叫佢『阿公』。」二人合唱《笑忘書》後，Sammi說：「好多年前你做過我演唱會嘉賓，你嗰陣時叫做軒仔，依家就叫軒公，即係升咗呢。」軒仔說：「 我唔知呢個名邊度嚟，起碼要去到阿公嘅年紀先啦。」Sammi表示之前兩場嘉賓都是新一代歌手，軒仔說：「其實我讀書嗰陣都有睇《大頭綠衣鬥殭屍》，依家我開騷，例如尋晚嗰個後輩歌手（林家謙）話9歲聽我首《酷愛》！」之後軒仔正經說：「當年我仲係新人，Sammi帶我去馬來西亞做演唱會表演嘉賓，佢係我恩人。」
演唱會尾聲，Sammi唱舊作《記認》，並走近觀眾席，期間她看到大銀幕的自己兩臂結實三頭肌時，不禁大叫：「嘩，OMG，好有型呀！」
