何沛珈安心拍打戲 陳山聰：有責任保護佢
陳山聰、朱晨麗、姚子羚、何沛珈、張頴康等昨日到觀塘宣傳無綫劇《反黑英雄》，何沛珈大讚首次合作的山聰是好前輩、好哥哥：「拍打戲前佢會提點我唔好太緊張，令我覺得好安心。」山聰指何沛珈首次拍打戲，故拍攝前會更加做足安全措施：「以前有好多前輩例如歐陽震華、郭晉安，佢哋都好保護新人，依家到我變咗人哋前輩，所以有責任保護佢安全。」
張頴康透露拍攝時弄傷左手尾指，至今仍未康復：「差唔多一年前，可能未熱夠身，跑跑吓唔小心仆倒，左手手指尾撞到地下塊卡板，開頭冇乜嘢，依家手指尾屈唔晒，又伸唔直。」他笑言拍動作戲難免受傷，太太已習慣他每次回家都有新傷。
