認林家謙做表弟 鄭秀文乘機邀寫歌
約定歌迷一齊變老
天后鄭秀文（Sammi）前晚在紅館舉行第二場《You & Mi鄭秀文世界巡迴演唱會2023》，跟嘉賓林家謙拖手合唱。二人互稱「表姐表弟」，Sammi更笑言「公器私用」邀對方寫歌。演唱會尾聲，她表示追隨自己多年的歌迷年紀漸長，約定大家一齊變老，場面感人。
鄭秀文前晚於演唱會第二場換了新裝，以「白色小飛鳥」造型與嘉賓林家謙拖手合唱《親密關係》。她笑問家謙歲數後叫對方做「表弟」，之後二人以「表姐」和「表弟」相稱，還即場邀對方寫歌，家謙爽快答應，Sammi興奮說：「你應承咗㗎喇，哈哈，我公器私用！」
之後家謙送小禮物給Sammi，他說：「呢個我上網買，係《Inside Out》（電影）嘅盲盒。」Sammi開心說：「多謝，我最近首歌就係叫《盲盒》！」家謙說：「我覺得啱你首歌，同埋『盲盒』呢個意思好好，我哋每人每一日瞓醒嘅都好似抽盲盒，因為遇到嘅事情、情緒都預計唔到，無論抽到阿樂、阿尷都好，都希望你好好擁抱每種『腦朋友』。每種情緒都可以令我哋感覺到自己嘅存在，然後好好咁過每一日。」
抽到紅色「阿燥」
家謙叫Sammi返後台拆盲盒後，告訴他抽到什麼，但Sammi即場拆，還搞笑地將包裝紙丟到地上，家謙即逐一執拾，全場大笑。結果Sammi抽到紅色「阿燥」，家謙笑說：「啱晒你啦，你頭先咁樣！」然後學她丟包裝紙在地上，Sammi見狀即刻變乖，她說：「好，我收斂，好好控制自己嘅情緒。」
Encore環節，Sammi連環唱《盲盒》 、《如果我們不再見》和《我們都是這樣長大的》，她唱畢說：「嚟到第二場，一切緊張同拘謹都拋開晒，多謝你哋入場。」她笑指追隨多年的粉絲年紀變大，嗌「Encore」和「Sammi」的聲音都變弱，叫大家多做運動，還展示手臂結實的「老鼠仔」及得戚說：「睇唔出我就嚟52歲！犀利？應承我一齊變老，好唔好？」全場觀眾大叫「好」！
