當錫缺操 傑特：畀佢休息回氣
NBA總決賽在香港時間周五開打，首戰將由塞爾特人主場對獨行俠。剛拿下西岸冠軍的獨行俠，昨日球隊官方發布的練波相，竟然未有西決MVP當錫蹤影，主帥傑特透露，是刻意讓有傷在身的斯洛文尼亞球星休養回氣，傑特並大讚該25歲控衛的超凡實力。
當錫在今年季後賽表現神勇，目前無論在得分、籃板、助攻、偷波、三雙、兩雙、三分命中率、投籃命中率、罰球命中率、關鍵時刻助攻數及致勝球數都排在聯盟No.1。傑特對此表示：「你哋唔可以將佢呢種表現當係理所當然，我哋睇慣佢拎三雙，但你睇番佢肢體語言，佢一直都努力緊，佢企喺最大舞台上，真係好想贏。佢帶傷領軍入決賽，我哋要畀佢抖番幾日回氣。」
傑特更以當錫在2016年効力皇家馬德里籃球隊時，對戰雷霆的表現，指出當錫的大心臟演出：「佢15、16歲嗰陣已經登上大舞台，網上有段片係佢對住韋斯布克，竟然專登放佢射波，由此就可知道佢識得點去針對對手弱點去防守，佢總可以用自己經驗提升比賽發揮。」
