蕭正楠黃翠如放閃 方力申頂唔順
蕭正楠、滕麗名昨日為方力申（小方）和黃翠如主持的飲食節目《拍檔廚房》錄影，滕麗名笑言難度最高是要在5分鐘內完成一道菜，結果她決定煮拿手的炸墨魚滑。小方讚阿滕做事認真，兩日前已來視察場地和偷師：「我對阿滕有信心，知道佢贏硬，因為翠如話唔可以偏心揀阿蕭，若非我親眼見到，都諗唔到佢哋咁恩愛，成日眉目傳情又有小動作交流，我都睇到頂唔順！」
阿蕭原本打算煮酸菜魚，但與師傅商量後決定煮鹹酸菜炒菜甫，他說：「因為早兩日大風大雨就喺屋企煲粥，打開雪櫃見有咩就拎出嚟炒，估唔到翠如讚好豐盛。」對於小方投訴阿蕭跟翠如經常放閃，翠如呼冤說：「我哋連眼神接觸都冇，我亦冇偷拍，係明拍，因為我要影低食物相，兩隊嘉賓煮嘅菜式都好靚。」
