4連霸 曼城英史上最強
力壓阿仙奴 7年6度稱冠
英超球季昨晨煞科圓滿結束，奪標大熱曼城最終未受考驗，主場輕鬆以3:1擊敗韋斯咸，保住2分優勢力壓同晚以2:1反勝愛華頓的阿仙奴，開創英格蘭聯賽歷史實現首個四連霸，也是他們近7年來的第6個冠軍。主帥哥迪奧拿賽後自豪地指出他手下的曼城就是英格蘭球壇史上最佳球隊，但展望未來，卻表明下季或會是他在此執教的最後一季。
翻查歷史，在英超中過去僅有費格遜時代的曼聯在1998/99至2000/01球季，以及哥帥的曼城在2006/07至2008/09球季造出過三連霸，而在英超年代之前，也只有哈特斯菲爾德、阿仙奴及利物浦曾嘗過三連冠滋味。只是如今，一切紀錄也被哥帥這支曼城大軍打破：「冇任何球隊能造出呢種數字，呢個就係標準！無論紀錄、入波、分數同四連霸，根本冇任何球隊好得過我哋。假如我聽日嚟到，你同我講我會喺7年內贏6次冠軍，我會反問你係咪黐線，根本冇可能！我哋依家嘅成就實在難以置信。」
哥迪奧拿的宿敵高普季後告別利物浦，日前該德國領隊更大讚哥帥是史上最佳教頭，哥帥當被問到感受時帶淚回應說：「我會掛住佢，佢喺我人生佔有重要位置，係佢將我作為領隊帶到另一個層次，我諗我哋係互相尊重啦！」
哥迪奧拿：下季後或離隊
這位西班牙名帥的合約將在2025年結束，對於未來，他表示：「我諗依家係離開嘅機會大過留低啦！已經八年喇，將會去到第九年 ，我下季會繼續教，然後再同球會傾吓。」哥帥指出，他現時最新目標，是贏出周末的英足盃決賽，譜寫另一個歷史，實現英超、英足盃雙冠王冧莊。
另邊廂，阿仙奴經歷一整季的努力，可惜最終也被曼城趕過，只能以兩分之差屈居亞軍，未能自2004年後再嘗英超冠軍滋味。「兵工廠」在2024年聯賽僅輸一場，卻已失掉冠軍，領隊阿迪達也明白上月不敵阿士東維拉是勝負的關鍵，而當被問到是否只有取得100分才有機會奪冠，這位前曼城助教也說：「係呀，當年佢哋拎100分奪冠嗰陣，我都喺度，我知係咩情況，就係要有呢個水平。」阿迪達雖然為爭冠落敗感失落，但強調球隊走在正確方向，只希望全隊上下將來能做得更好。
