祖傑省招牌 金塊破狼晉級在望
賽前獲正式頒發象徵常規賽MVP的米高佐敦大獎，近4年3度當選的金塊中鋒祖傑，在昨晨的西岸季後賽次圈G5再次展現統治性的表現，個人交出40分13助攻及7籃板數據，帶領金塊主場以112:97擊敗木狼，將總場數由落後0:2到如今反超前3:2，距離出線西岸決賽只差一場。
隊友艾朗哥頓取得18分19籃板，加上謝馬爾梅利的16分，助金塊輕鬆大勝。祖傑今場更是零失誤，表現出色，主帥米高馬龍說：「佢乜都搞掂晒，睇佢比賽真係好過癮！」外號「小丑」的祖傑，其神勇演出令今場只得18分的木狼「蟻俠」愛德華斯心服口服：「我冇得嬲㗎，佢真係勁呀！打完頭兩場，我已經話佢係NBA最佳球員，之後三場佢交足貨，我簡直要為佢獻花啦！」祖傑今場第三節便攻入16分兼有4助攻，是金塊贏波的關鍵。
同日東岸季後賽次圈G5，傷兵滿營的紐約人主場以121:91大勝溜馬，首席球星謝倫布魯臣再次展演當今聯盟最佳控衛的實力，交出44分7助攻4籃板，單季季後賽第5次得分40+，是聯盟史上第4人，之前三人分別是米高佐敦、勒邦占士與謝利韋斯，足見謝倫布魯臣實力。
