阿佘溫柔角色 遭摑到耳鳴
《家族榮耀》劇透 羅子溢梁諾妍情慾戲曝光
佘詩曼、林峯、羅子溢、梁諾妍與陳瀅等昨日出席新劇《家族榮耀之繼承者》宣傳活動，現場播放精彩片段，見子溢與梁諾妍有大量情慾鏡頭，林峯笑言不明子溢為何近期艷福無邊！阿佘稱今次是本色演出，不會像之前《新聞女王》霸氣盡現，並自爆拍掌摑戲時，遭摑到耳鳴！
佘詩曼與林峯相隔9年再合作，一眾劇迷熱切期待。林峯笑言奉旨與阿佘談情說愛，雖然他演律師，但會「幫親不幫理」，並指之後演有錢人的黃浩然會介入他們之間。問阿佘要在林峯和黃浩然之間做抉擇是否很難？她說：「唔係選擇嘅問題，係我個角色本身都有某啲遭遇，加上有事業心會阻礙一啲決定。」並笑言以歌曲《越難越愛》來形容她與林峯的關係最貼切。
提到《新聞女王》叫好叫座，今次再拍新劇會否有更大壓力？阿佘說：「壓力就冇，因為係另一個劇種，而且所有角色戲份都幾平均。」她笑稱今次角色與Man姐有很大分別，演繹上會溫柔得多，符合其本色演出。提到她被余安安掌摑一幕，阿佘說：「消腫方面我唔擔心，反而係摑完後有耳鳴，好彩幾十秒後就冇事﹕其實我寧願被人打，都唔想做打人嗰位，因為好大壓力，驚整傷對方又怕NG。」林峯笑言有被阿佘掌摑，好讓對方心理平衡一些。
首次拍長劇就有大量親熱戲的梁諾妍直言拍攝時剛懷孕，但為免大家有壓力就沒說出來。子溢表示早知梁諾妍懷孕：「我有兩個小朋友，所以聞到陣除，從佢平時嘅舉止同習慣，就知佢有咗，所以大家明白我當時有幾大壓力，怕有動作整親佢。（今次尺度同《婚後事》邊套大啲？）子溢說：「當然《婚後事》尺度大好多。今次我角色好風流，所以俾林峯笑，除咗兩位女朋友都有唔少女伴。」
陳瀅被嫌肥成功減磅
問梁諾妍老公洪永城有否來監場？子溢笑言沒有，但透露洪永城鼓勵他去盡一點，因為洪永城喜歡看這種畫面，梁諾妍亦說：「老公都叫我去盡啲，拍完我有畀佢睇片作賽後檢討，佢有教我點樣再做好啲。」
陳瀅表示阿佘用另類方法鼓勵她減肥：「當時我仲脹脹哋，大家開工一齊食飯，阿佘見我食飯飲湯，就用凌厲眼神同認真口脗講『你仲食』！我只好飲兩啖湯，都明白阿佘為我好，結果佢成功令我減到少少磅。」
