年年遭太太投訴冇送禮 周吉佩送護膚品補鑊
周吉佩（吉吉）、李佳、羅啟豪、龍婷、顏志恒及支嚳儀等《中年好聲音》第一季歌手，昨日到商場出席《一班好聲音「十」力無限演唱會》發布會，吸引逾百粉絲到場支持。適逢是母親節，吉吉與支嚳儀均偕子女到場，同樣已為人父的顏志恒表示細仔患猩紅熱，前晚入醫院睇急症，但未有進展，故太太要再帶兒子睇醫生，令他很擔心，原本一家人打算晚上慶祝也只好取消，不過專業的他演出時未受影響。
吉吉表示活動後偕太太和子女跟外母食飯慶佳節，又指太太每年都投訴沒收到禮物，今年決定買護膚品送給太太。羅啟豪對於《中年2》亞軍譚輝智獲獎後率先開個唱，他表示不會羨慕：「佢好叻，我好欣賞佢，戥佢開心，佢都有問我意見。」
