林峯Keep住熱血 唔想拍文藝片
想《城寨》班底繼續合作
電影《九龍城寨之圍城》叫好叫座，幾位主角連日來不停宣傳造勢，希望票房更上一層樓。林峯坦言想原班人馬拍續集或另一齣全新電影，但就不想拍文藝片，因《九》片的班底拍動作片太出色，並笑言會Keep住郁保持「熱血」狀態，為拍新片做好準備。
林峯、胡子彤及張文傑昨日出席《九龍城寨之圍城》電影展覽會，與現場學生分享拍攝時的點滴。林峯表示最難忘跟任賢齊的對打戲，除了導致腳部韌帶斷了一半，試位時更叉錯腳從二樓跌落一樓，幸好有驚無險，跌低起身跑回上二樓繼續拍攝。對於新片的香港票房已衝破2,700萬元，張文傑笑言每日似睇股票行情：「見到導演嗰陣，佢都問我拍咗部咩戲呢？點會咁？自己都估唔到。」
問到可有信心破香港電影最高票房紀錄？林峯表示已盡本分，希望觀眾繼續支持，胡子彤則稱：「目標未必係票房，而係再開拍另一齣戲。」林峯即指要有更好票房，才有更大機會拍新片：「拍續集定係原班人馬開拍全新一齣戲，就交畀導演諗。我哋乜都得，但如果拍文藝戲就太浪費班底，要Keep住郁，咁先熱血，動作片係香港特色之一。」林峯透露數日後舉行慶功宴，但要齊集演員非易事。胡子彤表示拍完戲後，因疫情關係仍未搞煞科宴，張文傑笑言：「唔好畀說話導演聽啦，我都耿耿於懷！」
不會取消跟觀眾互動
談到伍允龍日前出席謝票活動時遭狂迷偷襲，林峯笑言有取笑對方：「高手喎！我哋全部都有問候佢。呢次係意料之外，估唔到嘅，觀眾真係好投入，喺街度都叫我喺戲中嘅名。」問到日後再謝票時可會和觀眾保持距離，或取消互動環節？胡子彤表示跟觀眾互動是謝票的最佳方法：「經過伍允龍件事，相信各位演員會分外小心，亦會提高警覺，如果發覺有異樣，即刻同觀眾保持距離，現場司儀亦會照顧演員。」林峯笑言：「拍完《九龍城寨》，大家身手有番咁上下！」
