許廷鏗做英超活動 有望同名宿鬥波
許廷鏗與雲浩影等昨日出席音樂創作及製作人才培育計劃啟動儀式活動，擔任評審委員的許廷鏗說：「要爭取時間聽晒400幾首歌，自己啲歌都冇時間聽，有啲好入腦，聽完好自然咁哼出嚟。」他透露下半年經常離港工作：「接好多廣告，仲要出席一個英超活動，不過唔係以球員身份落場踢波。開心有工作之餘，又可以睇波，同埋有機會落場同名宿切磋球技，不過嗰件球衣係窄身設計，所以要減磅。」他稱離港前會出席本月12日舉行的《CHILL CLUB頒獎禮》：「我打入咗唱作歌手獎嘅10強，冇獎咪當聽歌同見朋友囉，好懷念扶鄭欣宜上落台嘅日子。」問到欣宜近況如何？他指對方在港，經常見面，讚欣宜狀態不錯，希望她早日重現樂壇。
入行兩年的雲浩影榮升活動的導師，她興奮說：「我係嚟向年輕人學嘢，期待同佢哋擦出火花。」
