紅軍又失分 高普沙拿吵大鑊
英超利物浦爭冠前景再受打擊，前晚作客韋斯咸慘和2:2，更麻煩是比賽期間，爆出領隊高普與名將射手穆罕默德沙拿當眾鬧交風波！賽後高普聲言一切已在更衣室內解決，但沙拿在步回更衣室期間，對記者提問卻回應：「如果要我講，肯定發火㗎！」不少「紅軍」球迷都為這對球場老拍檔在高普快將離隊之際關係轉差，感到非常可惜。
「紅軍」上周中聯賽不敵同市宿敵愛華頓後，剛戰鬥韋斯咸，便有射手沙拿與達雲紐尼斯齊齊被貶後備。高普在比賽末段尚餘十多分鐘，打算換入二人穩住優勢，但在等候換人途中，卻被「錘仔隊」扳平，就更令沙拿不滿。事實上，有指沙拿在賽前熱身，得知被貶後備已感不快，神色有異，而在換人之前，沙拿對高普的擊拳鼓勵動作只作冷淡回應，繼而被鏡頭拍得不斷與高普對罵，場面尷尬，最終要待紐尼斯推開沙拿才令爭拗停止。
賽後記招中，高普被問到與沙拿的對話：「唔講喇，我同佢已經喺更衣室傾番，對我嚟講，一切已經完結。」將帥二人一起打拚多年，經歷高山低谷，如今高普季後將會離隊，球迷都為二人關係轉差感失望，有網民留言：「好唔想個年代會咁樣完結囉！」
