陳逸璇醉酒被抬回家 朱鑑然飲多兩杯講唔停
陳逸璇（Jolie）和朱鑑然昨日出席酒窖活動，Jolie表示受父母影響，熱愛杯中物，因每次在家食海鮮，爸爸都會飲白酒。她自爆讀大學時試過醉到不省人事，要同學抬回家：「嗰次完全斷片又嘔，原本打扮得靚靚，但失儀好肉酸，之後學識慢飲，好好享受。」她表示與美酒很有緣，第一張專輯名為《Tasting》，近日自資拍新歌《Thru the Night》MV，其中一幕她整個人跳進一杯Martini中，笑言美酒帶給她很多歡樂。
朱鑑然表示飲酒在於開心，從來不會自認飲得。他指有收藏美酒，但因家中沒有酒櫃，故寄存在朋友家。他說：「我飲多兩杯會不停講嘢，事後會唔記得，但從來未試過醉酒鬧事。（有冇試過酒後表白？）表白要清醒，係對人嘅尊重，要好認真。」
