「負重」學拉丁舞 波波跳到腰痛
陳展鵬讚囡囡有運動天分
無綫兩大咪神黃婧靈（波波）與郭珮文昨日出席活動，郭珮文密實打扮，被穿上性感拉丁舞衣的波波搶風頭。波波透露首次學拉丁舞已愛上，但她坦言因身材太勁「負荷」過度，試過一不留神就弄傷腰骨！
陳展鵬、邵初、郭珮文、黃婧靈（波波）、《中年好聲音》歌手周吉佩與羅啟豪等，昨日參與《全港運動 全城躍動 第九屆全港運動會開幕禮》節目錄影。身為前港隊乒乓球代表的陳展鵬，笑言「掹車邊」參與節目，高興見近年港隊有好成績，現在他仍有保持打乒乓球習慣。
展鵬表示日前與任達華打乒乓球：「依家一星期打三四次，好高興乒乓球陪住我成長，依家年紀大，球技難免退步，但當做運動Keep住打。」問到女兒有沒有遺傳他的運動天分？展鵬說：「未知，因為佢未完成發育，不過我覺得佢有運動細胞，等佢再大啲，睇吓佢鍾意乜嘢運動，唔會強迫訓練佢打乒乓波。」提到有網民指單文柔長胖兼腹部微隆疑有喜，展鵬否認再做人父：「可能佢笑得太多令面部顯肥，我哋一直有畀心機，如果有好消息一定話畀大家知。」問到太太會否介意被指肥？展鵬說：「佢同我都唔會因為幾句說話就會影響到，而且我覺得佢一啲都唔肥，最重要健康同開心。」
身材驕人的波波穿低胸舞衣跳拉丁舞，相當搶鏡。她興奮表示首次學拉丁舞已上癮，打算繼續學舞。記者指她非常性感，男舞伴會否尷尬？她說：「冇，大家都好專注聽音樂同數拍子，冇時間分心諗其他嘢。（你『負荷』咁重，跳到腰骨痛？）真係會喎，因為每個動作都拉得好直，唔小心就會Chok到。」
郭珮文認不適合做主持
邵初和郭珮文代表港姐做啦啦隊，見邵初雙腳滿布瘀痕，她說：「我好易瘀，可能近期做太多運動，喺屋企按摩嗰陣唔小心瘀咗。」郭珮文近日加入處境劇《愛·回家之開心速遞》，她解釋只是客串性質，希望正式加入劇組：「我有睇番自己演出，有少少尷尬，但總算過關，知道有好多地方要改善。」至於在《福祿壽訓練學院》被取笑是「天然呆」，郭珮文直言做主持應付不來，相信王祖藍、李思捷下次不會再找她。提到其身材經常成為焦點，郭珮文坦言不介意被人評頭品足：「暫時除咗身材同天然呆，對觀眾嚟講我都冇咩賣點。」
