許冠傑戲言再合唱 炎明熹嚇到O嘴
小天后抱恙演出兩首歌
「歌神」許冠傑（Sam）前晚在紅館舉行第2場《許冠傑最緊要好玩演唱會2024》，邀請炎明熹（Gigi）和黃妍擔任表演嘉賓。抱恙上陣的Gigi交足功課，盡力與Sam完成兩首合唱歌，沒想到貪玩的Sam戲弄Gigi，想跟她再唱多一首歌，Gigi即場O嘴，場面搞笑！
前晚Sam在紅館舉行的尾場演唱會圓滿結束，他於Encore環節介紹Gigi出場時說：「我要特別介紹今晚一位嘉賓，有一位年輕歌手我非常欣賞，佢就係聲夢小天后，人見人愛、又Sweet又靚。今晚佢雖然身體不適，但一樣嚟為大家表演，我特別挑選一首歌同佢合唱，佢就係炎明熹Gigi！」二人合唱《冬戀》後，Gigi透露最近頻頻跑步，為本月中舉行的個唱做準備，但前一日開始有少許不適。Sam問Gigi能否再唱原本安排的另一首歌《心裡日記》，Gigi即說好，獲全場歡呼支持。
唱完後，Sam叫大家給予Gigi掌聲，讚她不在狀態也能唱出成績，全場即報以如雷掌聲，此時Sam突然轉話題戲弄Gigi：「佢真係唱得好好，應該唱多首！」原以為完成任務的Gigi嚇到O嘴，Sam哈哈大笑說：「唔好喇，講笑啫！」隨即邀請Gigi下次再合唱，又叫她要多點休息。
跟黃妍合唱《無敵是愛》
隨後Sam介紹另一位表演嘉賓黃妍出場，Sam牽着她的手繞場兩周合唱《無敵是愛》。當晚還臨時加入一位「特別嘉賓」，事緣Sam與觀眾合唱的點唱環節「卡拉OK」中，突然傳出一把熟悉的男聲，正是坐在第一排觀眾席的黃錦燊，令觀眾為之驚喜。
Gigi於演出後表示：「好榮幸可以嚟到Sam哥嘅演唱會，我覺得非常緊張，可以同一位殿堂級歌手合作，仲要喺紅館！但經過咁多日相處，我發覺Sam哥係好溫柔嘅人，就變得冇咁緊張。啱啱喺台上雖然狀態唔太好，但可以同Sam哥合唱兩首歌已非常滿足，足夠令我好好回憶今晚嘅畫面。其實我有好多說話想同佢講，但頭先喺台上冇咁多時間。雖然我係『說話有限公司』，但都好想向佢表達敬仰之情。」
