阿爾巴塞特救亡 大「費」周章
西乙第32輪壓軸戲，沉淪名牌阿爾巴塞特主場對費路爾競賽。阿爾巴塞特今季表現令人大失所望，近12場聯賽僅得一勝，近期更先後不敵希杭、奧維多及艾爾切，目前已跌至尾四位置。為護級只有奮起搶攻，面對作客3連敗、首循環曾合演超級入球騷的費路爾競賽，推介[2/2.5]大盤。（La Liga +周二3:30am直播）
阿爾巴塞特無論班費及規模，於西乙都處中上層（今季班費逾2,000萬歐元）。球隊近期已經知恥，連仗都亡命喪攻，近5場聯賽共入7球，可惜防線不濟入埋唔夠輸。近期3連敗同樣先落後下追和，但之後想反勝卻因防線空虛再度失守。今仗主場面對牌面低一線的對手必然繼續攻；費路爾競賽班費只有阿爾巴塞特六成，但目前已上岸正踢風流波，球隊於去年底首循環聯賽，主場曾以5:4瘋狂比分贏阿爾巴塞特，今仗並沒有死守理由，隨時再合演對攻好戲。
