大帝加冕 魔咒難除
對金塊完成4萬分壯舉輸波
「不老大帝」勒邦占士繼續譜寫傳奇！昨晨這位39歲巨星在湖人主場迎戰金塊，於第二節剩餘10分39秒時，以一記走籃左手放籃得手，將個人NBA生涯累積得分突破4萬分之數，亦是聯盟史上首位達到此成就的球員，對於爭論他是否史上最佳又多添一個重大籌碼。不過，原來占士近7次達到任何里程碑之戰，均如中了魔咒一樣全部輸波，隊友「AD」安東尼戴維斯賽後笑言祈求他停止再破紀錄！
賽前只差9分便會突破4萬得分關口，破紀錄根本只是時間問題。占士雖然首次投籃「大針」，但第一節仍能拿下5分，到第2節初段便完成任務，在之後的一個暫停，「大帝」收到比賽籃球留念加冕，他向觀眾席上的親人揮手，接受全場球迷歡呼及起立致意，場面感人。占士最終全場攻入26分，將個人總得分推至40,017分。
湖人最終以114:124不敵金塊，對於個人再創新紀錄，他表示：「我感覺自己喺球場上仲係充滿威脅，仍然可以做到我10年前做嘅嘢。可能好奇怪咁講，我係做緊我呢廿幾年一直做緊嘅事。」
「紫金兵團」教練咸姆則說：「我哋睇佢表演，真係有今生、冇來世，我哋應該要感恩佢仲打緊，繼續喺球賽貢獻佢嘅知識同表演。能夠成為佢教練，近距離睇佢係我榮幸。」
後無來者？杜蘭特差約萬二分
隊友「AD」認為占士的紀錄會是後無來者，但「大帝」則認為將來可能會再被打破：「紀錄就係要嚟打破，你永不說不，聯盟上有好多得分高手，如果佢哋可以健健康康，仲有排打，就會有機會打破紀錄。」現時聯盟上仍未有任何現役球員累積得分超越3萬分，最接近已是在史上得分榜排第9的杜蘭特，也只得28,342分。
不過，近年每當占士破紀錄，湖人都會輸波（見表），安東尼戴維斯在記招上說：「我頭先喺更衣室同佢講咗，唔該唔好再破紀錄喇，我哋次次都輸波嘅，佢都係咁講！」
