以逸待勞 費倫追「素」
今晚意甲尚有費倫天拿主場對拉素，合演爭奪歐戰席位緊湊之戰。暫排第8位的費倫天拿暫以兩分落後第7位拉素，憑歇冬期增兵、以逸待勞及主場優勢，決心全取3分在排名上反超對手。費倫賠率得莊家支持，推介主勝。（NOW 638台周二3:45am直播）
以兩軍近況及往績，費倫天拿明顯都不如拉素，球隊近7場聯賽僅一勝，而且對拉素往績亦居下風。不過考慮到費倫於歐協聯分組賽早早取得首名，近期不必踢附加賽，今仗賽前休息時間比要應付歐聯淘汰賽的拉素多5天。歇冬期又借得羅馬箭頭比洛迪，並於月中對費辛隆尼開齋。費倫近績欠佳只在作客，主場0:1僅負國米及5:1大炒費辛隆尼表現都很出色。拉素上輪贏拖連奴帶運氣成分，亦有防線大將馬里奧基拿停賽，疲兵作客睇低一線。
