歐戰為先 弗賴堡法福細水長流
上輪德甲9場賽事共產生22個入球，以平均數計依然偏少，既然揀了緬恩斯大盤，亦不妨研究番場細盤。首選對象是周日晚弗賴堡主場對法蘭克福，兩支中上游球隊目前已將80%精力放在歐洲賽，今仗齊齊玩輪換應付了事，隨時重演首循環0:0細波！
弗賴堡近況欠佳，德甲已3連敗，對這支向來演出穩定球隊相當少見。有料教頭史特拉治已將精力放在歐霸盃，畢竟已殺入淘汰賽附加賽，今場比賽前不足3天（今日凌晨）作客法國對朗斯，然後下周中又要應付次回合賽事，今場聯賽能夠終止近期連敗走勢已經收貨；法蘭克福暫以一位之差壓住弗賴堡排第6，球隊近4場聯賽亦只一勝，近3場全開細盤。該隊與弗賴堡情況相同，今晨才於歐協聯附加賽作客比利時聖基萊斯聯，然後下周中亦要踢次回合，料今仗一樣只抱應付心態，吼細盤。
