馬略卡皇蘇 「細」在必行
西盃4強首回合先求穩
西班牙盃4強今晚先演首場準決賽首回合，由馬略卡主場對皇家蘇斯達。兩軍近況同樣普通，尤其進攻發揮失靈，加上雙方難得有望爭標，首回合必會踢得謹慎，預計今場入球都是一球起、兩球止，博[2/2.5]細盤穩陣，是今日過關3串4推介重心。再串落格拉斯哥流浪與修咸頓兩場半場主勝，全中雖然只得11.5倍，但勝在穩陣。
西盃今屆戰果都算充滿驚喜，現時西甲前三位球隊包括皇家馬德里、基羅納與巴塞隆拿都已相繼下馬，這對於如馬略卡與皇蘇等非頂級球會而言，如今打入4強的奪標機會，較一般情況都顯得更高。馬略卡現時在西甲排名15，要為護級憂心，近兩場聯賽全敗，前戰0:1負貝迪斯，上場狂吞畢爾包4蛋，狀態不濟，進攻火力尤其令人擔心，這兩場都未有入球，射手梅利基近期雖已傷癒，但狀態未足，今場即使有望重返正選，都難寄望太高。
皇蘇目前在西甲排第6，牌面睇實力遠勝馬略卡，但近兩輪聯賽先後悶和華歷簡奴與基羅納，近期傷兵眾多，最新再有奧耶沙巴爾與奧迪奧蘇拿加入傷兵名單，至於進攻重心久保建英雖已結束亞洲盃征戰，但能否趕及歸隊披甲仍未知，火力不足之下，更有可能留力次回合主場才出擊，今場首回合恐怕難有大交收。（開賽時間：周三4:00am）
過關串格流聖人半場W
次關蘇超快車有勁旅「格流」主場對鴨巴甸，主隊近期5連勝狀態大勇，面對近4場不勝的鴨巴甸，要拿下3分難度不大，但讓兩球不易，反而「格流」近5場都在上半場領先，半場主勝可以一捧。（開賽時間：周三4:00am）
尾關英足盃第4圈重賽，兩支英冠球隊交手，聯賽亞席修咸頓主場迎戰11位的屈福特，之前兩軍交手互交白卷，今次重賽輪到「聖人」主場，修咸頓實力佔先，近5場有4場半場帶出，今場都可試半場主勝。（開賽時間：周三3:45am）
