壓力大到癲 沙維季後離巴塞
繼德國籍領隊高普上周五宣布季後離開利物浦後，昨晨歐洲球壇再爆出另一震撼消息，西甲巴塞隆拿教頭沙維在球隊主場以3:5不敵維拉利爾後，亦公布在今夏辭任主帥職務。
巴塞昨役先落後0:2，但下半場中段連入3球反超，豈料最終卻在末段連失3球，慘輸3:5。「地上最強」在3:3之時曾有機會得到12碼，但球證在回看VAR後判定維拉利爾球員未有犯手球，沙維此時曾向鏡頭狂呼：「羞恥！羞恥呀！」賽後，沙維在記招說：「喺大家提問之前，我想宣布我會喺6月30日後不再留任巴塞隆拿教練一職。呢個係我同會長、尤斯迪（總監）及迪高（體育總監）傾過之後嘅決定。我諗球隊需要轉變，圍繞住球隊有好多問題，只有我離開係最好。」
有傳迪高曾考慮提升B隊教頭馬基斯取代沙維，而媒體不斷批評巴塞，也是令沙維作出離隊決定嘅原因之一。沙維補充：「做巴塞教練真係好唔舒服，好多人都唔尊重你，影響住你。有人話想我做巴塞嘅費格遜，但喺呢間球會邊有可能。」
