難幫彭于晏脫單 華仔冇啱盤介紹
《潛行》內地票房破3億 贏埋口碑
劉德華、林家棟、彭于晏（Eddie）與劉雅瑟等前晚在港出席新片首映禮，對於影片在內地票房突破3億元人民幣，亦被觀眾讚好睇，華仔與家棟都大感鼓舞。41歲Eddie坦言希望今年脫單，但就未有心儀對象，問華仔為何不做媒人？他竟說：「我邊有異性朋友！」
劉德華身任監製兼主演的電影《潛行》前晚於九龍塘某商場舉行慈善首映禮，他率領演員林家棟、彭于晏、劉雅瑟、任達華、鄭則仕、談善言、朱鑑然等出席，吸引不少粉絲圍觀，逼爆商場。適逢劉雅瑟和朱鑑然同樣一月生日，大會為兩人送上鮮花慶生，現場觀眾與演員一齊唱生日歌，祝賀兩位壽星。
提到影片在內地票房突破3億元人民幣，對香港票房可有壓力？華仔笑言有壓力，希望票房好；家棟則稱越多越好，但口碑更重要。之前影片在內地舉行多場謝票，問到香港可會舉行？華仔表示視乎發行公司安排，但本月11日上映當日會有謝票場。他又稱在內地跑了10場謝票，但不覺辛苦，家棟聞言笑說：「我換咗鞋啦！」問到內地觀眾反應如何？華仔指觀眾讚戲好睇，然後指着Eddie說：「有靚仔，又有演技擔當。（你係畀錢擔當？）一齊擔當。」
劉雅瑟預告去泉州慶生
早前Eddie在內地宣傳時被司儀催早日「脫單」，他笑言：「目標是今年脫單，有目標就一定成功，型一點講都是專注工作！」問華仔為何不介紹女生給Eddie認識？華仔笑言:「我冇乜介紹，我邊有異性朋友！亦未曾做過媒人，我唔係冇盤，係唔啱佢哋兩個（指Eddie和家棟）。」問Eddie喜歡哪類型女生？他表示：「自己這個年紀不要太多選擇，談得來最重要，在這行好難結識異性，除非離開這行才可認識女生。（喜歡運動型女生？）OK！運動好，對身體好，喜歡滑雪都好。」說罷望向鏡頭招親說：「歡迎大家！」
家棟被問為何不跟華仔合唱主題曲？他表示華仔有叫他唱，但擔心影響大家觀感。華仔說：「下次啦！」Eddie則稱出過唱片，歌藝亦可以，但上次出完歌之後就無機會再唱，只好努力當演員。華仔表示聽過Eddie唱歌，覺得不俗。他計劃原班人馬拍另一故事，但要《潛行》口碑及票房都好。將於本月13日生日的劉雅瑟透露將會跟朋友到泉州玩，她說：「生日一定要放假，若然生日開工就不太開心，但試過工作中度過，沒辦法。」問到有何生日願望？她最想平安、開心，找男友則隨緣，笑指似朱鑑然這麼優秀的男人很難找。
