與老婆互相冚被 馬國明唔怕冷親
馬國明、蔡思貝、朱敏瀚、劉穎鏇、郭柏妍等昨日出席無綫新劇《飛常日誌》宣傳活動，馬國明表示飾演中央控制中心值班經理，首次進入中央控制室時感覺壯觀：「似入咗超級英雄基地，覺得自己好有型。」提到林夏薇近日在深圳拍《黑色月光》時病倒，要返港休養，他坦言沒聯絡對方，希望薇薇盡快康復，並指近日很多人感冒。問到是否晚上有老婆冚被便不怕冷親？他冧爆說：「互相冚被啦，都開心嘅！」
飾演機師的朱敏瀚被問拍攝期間可有追空姐？他笑言：「只係溝通吓，着咗機師制服，有啲人會主動走埋嚟溝通，當時我同洪永城一齊，所以唔知係咪自己嘅魅力。 （有冇抄牌？ ）冇啦！」
