世一唔易做 子彈陷危機
大師賽開打 首圈即出局
世界冠軍唔易做，即使讓你當上「世一」，也要你有實力擔起名號；就如去年贏得世界桌球錦標賽冠軍的「比利時子彈」比素爾，本身在排名賽奪標次數有限，未經考驗，結果踏入新季挫折重重。昨晨他在桌球三大賽之一的倫敦大師賽首圈便以2:6被利素禾斯基淘汰，「子彈」賽後坦承自己表現恐怖，正深陷信心危機當中！
去年五月首度在世錦賽登基的比素爾，之前的職業生涯僅贏過包括中國錦標賽、蘇格蘭公開賽及冠軍聯賽三個排名賽冠軍。這位28歲球手雖然天分早獲公認，但說到要攀上最頂級一線，卻似乎仍有待考驗，而在他成為世界冠軍之後，今個球季除了在首個上海大師邀請賽打入決賽，不敵奧蘇利雲得亞之後，一直未能在任何大賽突破16強。到前晚開打的大師賽中，首圈遇上僅僅「掹車邊」以世界排名16位取得參賽資格的利素禾斯基，竟以2:6大敗出局，確實令人大跌眼鏡。
英格蘭球手利素禾斯基在昨仗首個小節，僅花49分鐘便接連「起迫」打出 70、100、96及69度，連贏4局領先。之後比素爾雖曾作出掙扎，還以顏色打出單桿80及72度，追回兩局，但最後「Jackpot哥」再次「起迫」63與68度，鎖定勝利。
成眾矢之的 信心全失
比素爾賽後失望地說：「真係好恐怖，如果我再繼續打成咁，你哋2025年會見到我出現喺Q School（爭逐職業資格賽事）比賽。我知我一定可以搵番狀態，但依家真係打得唔夠好囉！」事實上，比素爾在賽前曾接受其他媒體訪問，提到自己的信心危機：「我真係冇乜信心，呢種情況我從未遇過，可能係技術或其他問題啦！我覺得任何人對住我都打得特別好，可能當你係世界冠軍，就會遇到咁情況，你係眾矢之的，人人都想打敗你，我知我要打得更好。」
大師賽今日將續演首圈賽事，卓林普會在今日頭場火併加蘭威爾遜，羅拔臣則會迎戰鶴健士。
