般尼英足盃 「熱」情大解放
主守失敗 高柏尼豁出去
英足盃續演第3圈賽事，熱刺主場迎戰般尼。般尼今季以英冠冠軍身份回升英超，領隊高柏尼經過季初主守戰術失敗後，近期已見豁出去，踢法比前開放得多。球隊歷來踢英足盃遇英超球隊一向多波入，作客遇上主場習慣高位搶逼的熱刺，料會再度合演入球騷，推介[3/3.5]大盤。（無綫myTV Super App周六4:00am直播）
般尼今季回升英超，陣中有大量欠缺頂級聯賽經驗的年輕球員，季初要時間適應步速踢得保守，結果不停輸波交學費。不過領隊高柏尼充滿信心及耐心，相信一班小將有質素留在英超。近期所見踢法遠比之前開放，上輪作客面對「主場龍」阿士東維拉，於兩度落後下兩度追和，直至完場前才被對手博得12碼絕殺，但演出大獲好評，尤其箭頭利尼科士打復出即入波，更添高柏尼採用搶攻踢法決心。事實上般尼歷來在英足盃作客亦不喜主守，近8次在這項盃賽作客遇上英超球隊，總入球共41個，平均每場超過5球，包括作客熱刺輸2:4。今季首循環聯賽對賽，般尼亦曾主場輸過2:5，不停同熱刺合演超級大騷。
熱刺防線壓上企位令人咋舌
熱刺近況銳利，近5場英超4勝，包括上輪主場3:1贏大勇的般尼茅夫。前仗踢得密未能回氣輸波，但作客白禮頓負2:4亦見火力。熱刺領隊普斯迪高古今季初次亮相英超，其高位壓迫踢法令人大開眼界，堅持防線壓上企位，甚至人少打人多亦拒絕退縮，開放程度令人咋舌，尤其主場出擊幾乎成為大盤保證。今仗雖然陣容不整，柏比沙亞、比蘇馬及隊長孫興民等主力離隊應付非國盃及亞洲盃，但前線李察利臣腳風順，主場出擊會繼續搶攻，大盤可取。
