與許冠文闖殯儀館 黃子華嗌執到寶
相隔32年再合作《破·地獄》
由兩代笑匠許冠文與黃子華合演的電影《破·地獄》昨日舉行開鏡禮，演員衛詩雅、周家怡、朱栢康、秦沛、金燕玲及老闆楊受成等亦有出席。許冠文跟子華繼32年前電影《神算》後再次合作，子華感覺是個奇跡，並指是殯儀館及義莊首次開放給香港電影進內取景，似執到寶一樣！
許冠文透露繼《風再起時》已有4年多沒拍戲，直至遇上這個「冇得頂」的《破·地獄》劇本，加上他跟子華素有默契：「我哋其實都想盡快合作拍番部戲，但我哋追求完美，等適合劇本好難。」子華讚許冠文：「佢繼去年嘅高峰，由我頒終身成就獎畀佢之後，今次又係另一個高峰。」子華直言沒想過三十多年前許冠文會親自打電話給他，當時以為是騙案，直到今日又可以一起演戲，感覺是個奇跡。
許冠文透露當年為度《神算》劇本，度到幾乎想自殺，直至聽人說黃子華的棟篤笑「好有橋」，於是便致電他。他說：「我尊重棟篤笑，所以帶埋一家去捧場，仲叫佢哋記得笑大聲啲，冇諗到佢掟一疊紙已經好好笑。當時我唔知佢想做明星，否則唔只度橋，唔搵黎明演啦！」子華笑言：「我就用咗30年話你知我有虛榮感。」
問二人今次是否一起創作劇本？子華坦言有人寫劇本，更非常精彩，許冠文亦說：「今次部戲好多搞笑場面，但有講生死，依家香港觀眾好叻，唔能夠只氹佢哋笑，仲要求有感覺。今次子華做婚姻，但疫情苦無生意，我做長生店就最好生意。」子華指曾到印度聖河看葬禮，又看過天葬餵鷹，不過香港葬禮的精彩程度不會被比下去，其中「破地獄」就似一個瘋狂派對。他覺得「破地獄」算是香港其中一項「專利」，今次他們是執到寶，因為是殯儀館及義莊首次開放給香港電影進內取景。
現年81歲的許冠文相隔4年多再拍戲，笑言挑戰自己體能：「每日工作十幾個鐘，我都幾弗，冇事頂得吓！」子華則自嘲：「我有啲頂唔到，佢就仲得！」許冠文笑言：「我老人家都得，大家冇出聲要搏命，因為我最大。」
衛詩雅一技傍身賺外快
衛詩雅透露剪短頭髮，演許冠文火爆性格的女兒，每日演出都要激動鬧人，經常拍完戲翌日發現臉上爆微絲血管。她於戲中負責做葬禮的「破地獄」，演出前特別花半年時間學習，但現實中沒有女性做此工作，笑言未來沒有工作，可靠這項技能賺外快。
