炎明熹要求高爆壓力瘡
兩位「聲夢」學員炎明熹（Gigi）和林智樂（Felix）前晚在叱咤頒獎禮捧獎，奪「歌曲獎」的Gigi表示心情激動：「我完全冇諗過得獎，就連司儀講歌曲簡介，甚至響起前奏，都唔敢相信係自己，唔敢企起身上台，驚尷尬！」故她致謝詞時漏了多謝公司高層何麗全及曾志偉等。她坦言給自己很大壓力：「呢幾年增加咗好多家庭成員（指臉上的瘡），『佢哋』都好有個性（很頑強），我相信原本會有更多，多謝大家支持令我放鬆，新嘅一年我會更加加油。」
贏得「生力軍男歌手銀獎」的Felix自爆為了這個頒獎禮求籤，怎料求得下下籤，故預了陪跑：「冇諗過可以攞銀獎，對我真係好大意義。」問到如何獎勵自己？他說：「會請所有為我付出過嘅人食飯，再買禮物畀自己。」
