郎朗專誠來港助陣 克勤感受友情可貴
李克勤前晚在紅館舉行《弦續李克勤·港樂演唱會》第4場，特別嘉賓是著名鋼琴家郎朗，克勤介紹說：「朋友的定義是，無論個朋友係幾遠地方，一個電話，一個短信，佢會搭好耐飛機飛返來、搭好耐車返來，只做一晚演唱會嘉賓……呢個朋友好特別，佢唔識唱歌，但係佢係國際級。20年前我哋合作過一隻歌，呢隻歌唱到今日我仲唱緊。當我知道佢今日肯來做嘉賓，好開心之外，亦感覺到嗰份誠意及友情可貴。」郎朗現身即贏得掌聲雷動，他開心跟觀眾打招呼，再跟克勤說：「非常激動，我仍記得我們20年前第一次合作，今天再一起真的很激動。」之後兩人為觀眾獻上《深深深》及《我不會唱歌》兩首歌，成為是次演唱會只此一場的期間限定版。
當晚克勤繼續收到不少利是，他笑道：「大家係咪覺得我個樣似屋企負擔比較重，多謝大家鼎力支持李立仁、李力司教育基金。」有觀眾立即拿出銀紙，叫克勤過去收，克勤笑道：「你現兜兜攞銀紙出來就唔好，你攞個信封入住佢。」觀眾仍不放棄，克勤再安撫對方道：「唔得，唔得，老闆鬧我㗎……重有兩個鐘（表演完），你搵啲嘢入住佢，我一陣再行過來啦！」引得全場大笑。
