鍾嘉欣拖新歡林峯慶甩難
圖：林峯聞鍾嘉欣有新歡，表情古怪
林峯大年初三將與阿姐為馬會演出，這是他的牛年第一項工作，而且一日內要跑兩場，做完馬場又要趕去澳門演出，但他不以為苦，還覺得好開心，因為經濟不好自己的工作也沒受影響。
否認花心人
昨日記者會上，馬會見習騎師楊明綸因酷肖林峯而聯同其他三位見習騎師與林峯合照，另一見習騎師梁家俊問林峯，楊明綸可否吻他臉珠，林峯即時拒絕道：「唔好喇啩！我呢排冇緋聞，唔好搞咁多嘢啦！」事後問林峯是否寧與女仔傳緋聞？他笑道：「正常啲囉！不過我都有男fans，其實性別無所謂，只要支持我都多謝，任何人士也歡迎，買我CD就來者不拒，無論點都開心。」對於其緋聞女友鍾嘉欣被指交上新男友，他聞言即高呼笑道：「甩難囉！可以傳吓第二啲，（但有說因你花心嘉欣才變心？）我的心都專注喺工作度，冇時間花心，但都希望今年有桃花運，因為做呢行需要！（可會去看流年運程？）我從未被批過命，甚至掌都冇睇過，唔通知道好就坐喺度，唔好又會影響心情。」
擇偶條件低
此時風水顧問麥玲玲剛走過來，並笑言林峯今年會繼續成為樂小姐最喜歡的人，又說他今年雖然沖太歲，但通常沖完又再起，今年應該會再奪大獎，又謂他是冬天的羊需要木，所以姓樂、林及李都會幫到他，但最好可以換車。問到他可需要換女友？麥玲玲指如果沒女友的今年就會有，有女友的今年就會散，林峯即緊張反問：「唔係啩？」因而被取笑他這麼緊張證明他現在有拍拖。又問到他的女友姓什麼最好？麥玲玲指他人緣好，百家姓都可以，林峯即謂自己多年沒拍拖，所以擇偶條件都已降低了。
