梁安琪跟曾航生冇朋友做
圖：梁安琪坦承有人追
亞視昨日舉行《感動香港年度人物評選》講演會，梁安琪、盛品儒、葉家寶等現身支持。跟曾航生拍拖十九年終告分手的梁安琪透露，兩人的意見、生活甚至興趣都有分歧，男方對她的演藝、政治工作接受不來，故於九月立法會選舉後就決定分手，惟自己會接受他的意見，將會放棄從政。
被飛受傷
問是否她先提出分手？梁安琪即說：「吓？應該係佢想（分手），所以選舉後就斬纜。（你哋仲係朋友？）唔得啦，始終拍咗十九年拖，真係幾hurt（受傷），試過包容同作出讓步，不如依家就留番啲和平回憶。」
她強調，二人之間沒有第三者，不過自己已有新追求者，對方在她孤獨時出現，照顧自己。此時梁安琪忍不住望向經理人黃君所在的方向，像暗示就是對方。記者向她求證，梁安琪大笑說：「點解咁諗嘅？總之，我想了解多啲才開始，依家都係醞釀緊，（即係黃君？）唔公布住。」梁安琪又稱，拍拖十九年，對方突然要求分手，自覺十分遺憾。
