【貴圈真亂】買爛杯仲要受氣 正常「黃圈」體驗
「黃絲」一邊吹捧所謂嘅「黃色經濟圈」，一邊又一再喺網上分享自己喺圈中中伏嘅經歷，真係唔知好嬲定好笑。有「黃絲」日前就喺facebook「黃谷」發帖，呻喺「黃店」網購後，卻收到隻爛杯，隨後想退換，但就反而俾間「黃店」公審。其實受埋呢種「黃納粹」式批鬥，咁咪係完整嘅「黃圈」體驗囉。
「黃絲」網民「天宮 奈可シ」日前喺「香港黃色經濟圈」等fb專頁發帖，佢話自己幫襯咗間「黃店」買聖誕禮物：「買咗啲文具同一隻杯，點知隻杯冇盒仲要爛到有4條裂痕，收到既（嘅）時候得兩張反轉咗用既（嘅）泡泡紙同一個膠袋，我即刻向小店查詢，點知得出咁既（嘅）回應，錢冇咗事少（小），仲要比（俾）人公審，喺度唯有提醒返大家上網購物小心！」
「天宮 奈可シ」仲上載咗多張佢同網店「amflare.hk」嘅對話截圖，見到佢要求「amflare.hk」換貨或回水，卻反被「amflare.hk」稱佢「老屈」，又推托要搵速遞公司賠，又話只賠一半，又要佢提供開箱影片，證明隻杯一打開已經係爛，仲喺IG發帖話「運輸途中有任何差錯都不負責」，寸佢「無理」、「麻煩你讀多啲書」，真係「黃絲」一貫嘅惡。
雖然隻爛咗嘅杯只係賣18蚊，不過「天宮 奈可シ」話：「其實唔係$18問題，而係（對）佢嘅處事方式真係好不滿，如果佢態度好啲咁講我都冇咁嬲……仲要將個問題帶返去我身上……之後佢仲喺IG度出post鬧番（返）我轉頭。」
喺IG標註自己係「黃色經濟圈」、「黃色小店」嘅「amflare.hk」咁做生意，唔少「黃絲」都忍唔住開口鬧。好似「Yvette Sy」咁話：「個店主真係覺得做網店，唔洗（使）負責任嘅？串（寸）×到咁！」
「Wingwing Ckw」就話：「佢意思係咪以後開箱都要拍片？啲態度差×到呢！」「Ceci MiniDd」就鬧：「好無賴！」
每次呢啲post都見到更多苦主。「Stone Sola」話：「我都試過好多次幫襯『黃店』有唔好嘅經歷。」「Chris Chung」就話：「『黃店』不嬲伏多。」
網民：淘寶可能仲好服務
「On Ninenine」就上載咗張淘寶截圖，發現（嗰）隻喺「黃店」賣18蚊嘅杯，原來淘寶只賣5蚊（人民幣）：「$5人仔。自己淘寶晤（唔）×洗（使）受氣。叫個垃圾店佢食×啦。你俾（畀）意見條垃圾還串（寸）××晤（唔）識改進，等執笠，『黃店』大×晒啊。」「Tok Ming」都話：「淘寶可能仲好服務。」
結果，「amflare.hk」喺班「手足」狂鬧下，最後都跪低咗，應承全數退款，仲就態度問題講唔好意思喎。■香港文匯報記者 黃書蘭
