千嬅參與學校活動 遭囝囝打發離開
楊千嬅昨日到樂富出席活動，分享與12歲兒子Torres的相處點滴。她笑言現時很少回港出席公開活動，最重要是多陪兒子：「我哋乜都傾，我會問佢有冇識到朋友，叫佢可以約啲朋友返屋企食飯。」她指兒子步入青春期，有自己的圈子和行程，雖然她會參與兒子的學校活動，但會被打發離開：「不過我OK，我尊重佢，因為我細個都係咁。（傷心？）冇，可能我係水瓶座，愛自由。」千嬅透露兒子遺傳了她和老公的音樂天分，會跟同學夾Band，更是任主音位置：「不過佢最近有啲壓力，佢開始變聲。（囝囝有冇偶像？）唔知，但肯定唔係我。」
千嬅透露最近看了電影《破·地獄》：「我好叻，冇用晒成包紙巾，只用咗7張。」工作方面，她稱將會出碟慶祝入行30周年：「因為想回饋畀粉絲，大家咁開心就做啲紀念品出嚟。」又稱明年會多留香港：「其實我成日都會返嚟，不過冇乜嘢做。」
