憂9歲女戀愛腦 陳豪𥄫到實
自爆小學收情信 掉都掉唔切
出名是「愛妻號」兼「廿四孝父親」的陳豪自言與太太陳茵媺一樣思想傳統，希望小朋友以學業為重，長大後才拍拖。他坦言現年9歲的女兒開始對愛情有憧憬，故會「𥄫實」女兒一舉一動，不想她小學便開始談戀愛。
視帝陳豪與《中年好聲音2》歌手顏米羔、陳芊芸（前名陳蒨葶）等前晚到灣仔出席「公共屋邨國慶社區裝飾比賽頒獎典禮」，陳豪表示小時候雖然不是住公屋，但於邨內的學校讀書，加上親人亦住華富邨，故對屋邨充滿回憶。他笑言過節時會和家人一齊慶祝，最難忘中秋節在天井點滿蠟燭。他自認讀書時期是乖乖仔，試過被不良少年「兇」。問到可有等女同學放學？他笑言沒有，因自己比較晚熟，幾乎成年才拍拖：「我哋個年代，細個鍾意女仔被發現會俾人笑，會覺得男女授受不親，同女仔玩就唔Cool，後來我先知同女仔玩好開心嘅，哈哈！」
陳豪自爆小學收過情信，當時反應是立即丟掉。問到可有灌輸子女相同想法？他笑言：「少少啦，但我都覺得係學業行先，可以遲啲先考慮拍拖，唔想小朋友『戀愛腦』。」他坦言作為父親，對女兒會更着緊：「個女我會睇實啲！佢依家9歲，都會睇一啲愛情題材嘅嘢，所以都有啲憧憬。」問到太太陳茵媺會否更緊張？陳豪笑言：「會！雖然佢係喺外國長大，但都係一位傳統嘅媽咪。」
顏米羔想買地耕田
顏米羔表示喜歡屋邨鄰居之間守望相助的感覺，雖然他住村屋，但也會與樓上樓下的鄰居成為好友，又稱參加《中年2》不會視為比賽，而是與其他參賽者互相幫助。他開心稱最近多了工作，故把握時間休息，因為想要搬屋，正物色市區的單位。問到搬大屋會否招呼《中年2》的戰友？他笑言喜歡簡潔小型的單位，問到為何不買樓？他坦言習慣租屋，反而想買地作農耕樂，退休可以過農村生活。
問到工作是否排到年底？他笑言雖然多工作，但聖誕還有檔期。對於不少藝人都指很多工作被《中年好聲音》的歌手搶走，顏米羔笑言：「冇理由咁少工作，相信係接唔晒嘅，我都好想工作上同更多人Crossover，可以同唔同嘅歌手玩，唔會分門派。」
