熱刺曼城 長年嘆「細」界
普帥哥帥 漠視英聯盃
今夜英聯盃16強壓軸戲，熱刺主場對曼城。不過大家要有心理準備，兩軍的主力球星都不會登場！皆因熱刺主帥普斯迪高古及曼城領隊哥迪奧拿，都表明漠視英聯盃，只視作副選及新人的練兵場。今夜雙方都勢必繼續弱陣較量。翻查往績，自2018年起，熱刺於各項賽事8次主場對曼城，總入球都在兩球或以下，今仗再追[3/3.5]細盤。（myTV Super周四4:15am直播）
熱刺近年對英聯盃的興趣大減，前屆第3圈作客淨吞森林兩蛋。上季在普斯迪高古領軍後，次圈弱陣作客1:1賽和富咸，射輸12碼出局；今屆上圈同樣弱陣作客對英冠高雲地利，大部分時間落後，至完場前及補時連入兩球驚險反勝，同樣輸盤。在前線大將孫興民經常因傷缺陣下，熱刺今季於英超面臨沉重壓力，自9月起7場聯賽已輸4仗，剛周日作客水晶宮輸0:1後，排名已跌至第8。而且其後英超主場要對阿士東維拉、然後歐聯作客對加拉塔沙雷。今仗除孫興民繼續缺陣外，亦會收起多名常規主力，給予大量機會新人，剛對水晶宮首次擔正的17歲小將前鋒米基摩利，預期會繼續正選；前線亦會起用今季仍未開齋的德國「敗家仔」迪姆華拿掛帥，火力進一步削弱。
「藍月亮」4小將擔大旗
「藍月亮」曼城自2021年捧完英聯盃後，哥迪奧拿已明言英聯盃將成為副選練兵場，近季成績滑落。大前屆16強作客0:0和韋斯咸，互射12碼被淘汰、前屆八強戰作客0:2負修咸頓、上屆第3圈作客輸紐卡素0:1，頻頻輸盤亦頻開細盤，今屆上圈主場遇英冠屈福特亦只小勝2:1。何況曼城未來10日內要踢4場作客硬仗，征熱刺後於英超作客般尼茅夫、歐聯作客大勇的葡超士砵亭、然後作客今季英超主場不敗的白禮頓。難怪哥迪奧拿今仗堅持小鬼當家，22歲中場占士麥阿迪、19歲右閘歷高利維斯、19歲防中尼高奧雷利、16歲中堅班夫韋特等都會擔正，作客料繼續與熱刺踢拉鋸戰。
