黎耀祥一口氣講四頁對白 蕭正楠「雄霸」TVB黃金時段
香港文匯報訊（記者 梁靜儀）黎耀祥（祥哥）、胡定欣、蕭正楠、陳曉華及羅天宇主演的無綫台慶劇《巾幗梟雄之懸崖》 前晚播映，首集即雲集四大巾幗招牌式經典場口。除了招牌式「口水花」大場面，還有韋豪（羅天宇 飾）與一人坐擁三角的蕭正楠的精彩對打；七爺鄧桂嬋（胡定欣 飾）返回娘家時與外甥偉強（周百恩 飾）、因七爺與親姊桂嫦（甄采浠 飾）昔日的桃色恩怨而引發的激烈爭執及掌摑事件；及七爺及柴十七（黎耀祥 飾）的「叮鈴噹啷極速黃包車」場口。
劇集以舊上海為故事背景，女主角七爺一開始便遇上危機，要找來擁三寸不爛之舌的柴十七搭救。祥哥笑言一輪嘴場口是《巾幗》系列好拍檔張華標（標哥）為其度身訂造：「標哥好知我強項，好多時會喺適當時候就返我嘅長處，加返啲好睇位畀我，例如一個人一口氣講四頁紙、一輪嘴去鬧人咁。」
《巾幗》首季男主角柴九深入民心，祥哥今次第四季飾演柴十七，令不少網民揣測兩個角色是否有親屬關係，留言：「十七會唔會係柴九嘅曾曾曾孫」，相當搞笑。昨晚祥哥帶領定欣、陳曉華、羅天宇及蕭正楠為劇集首播作直播宣傳時，爽性親解「柴十七」命名之謎，指出處是《易經》：「點解姓柴係一個情意結嚟，十七呢個名係標哥取自《易經》八十一理數入面嘅。《易經》十七卦叫隨卦，隨遇而安咁解，十七為吉（卦），意思係排除萬難、有貴人助、把握時機、可得成功，完全係符合咗柴十七嘅人物性格，大家要明白編劇嘅苦心，佢連角色名都唔係求其嘅。」祥哥又指《巾幗》系列每季角色都截然不同，故希望觀眾能當第四季是全新的故事看待：「巾幗同梟雄只係一個概念，冇框框，大家冇需要比較，我哋都冇壓力嘅。」監製嘟嘟則透露《巾幗4》與七字相當有緣：「我哋十月七日開工，十二月十七日收工，加上角色名都有個七字。」
而古巨基繼《巾幗2》後再唱主題曲大感驚喜，網友笑言《巾幗》回憶返晒來。另外，首播日蕭正楠連環走訪多個宣傳。對於自己近乎「雄霸」前晚翡翠台黃金時段，蕭正楠在社交網笑言是另類「煩擾式宣傳戰術」：「唔好意思，今晚（前晚）會煩到大家，我7：30、8：30、10：30都會喺翡翠台，希望煩到你哋鍾意。」
