倪樂琳 梁嘉莹 等工作唔敢離港
應屆港姐冠軍倪樂琳與亞軍梁嘉莹昨日到尖沙咀出席無綫慈善騷記者會，兩人當選後首次參加大型節目，但因時間緊迫未有機會表演，當晚只做座上客，在台下欣賞作支持。倪樂琳笑言：「到時會捐錢，最少會捐800蚊，因為做善事仲可以得到電暖氈禮物。」
兩人早前忙完領獎活動後，獲得兩星期假期，但她們只留家休息，未有到外地「充電」。倪樂琳表示：「都有約朋友食飯，但日日都喺屋企。冇去旅行因為驚行開咗會冇咗工作機會，所以留喺香港Stand by。」梁嘉莹亦稱雖然想回加拿大探親，但擔心錯過臨時有工作的機會。倪樂琳透露最近拍了台慶宣傳片，但未知會在台慶有什麼演出：「我希望做司儀，最想當晚成為幸運兒，抽到現金大獎，哈哈！」
